ليلى علوي تدعو لإنقاذ أطفال مرضى السرطان ورد صادم من جمهورها

ليلى قدمت المناشدة عبر مقطع فيديو نشرته على حسابها بموقع إنستغرام وقالت فيه: "من سنين اشتركت في حملة أنا ومجموعة كبيرة أوي من الفنانين والإعلاميين ورجال الدولة ورجال ونساء المجتمع في حملة كبيرة وجمع تبرعات من مصر والوطن العربي والعالم كله لـ 57357، اللي بتعالج الأطفال بتوعنا، اللي ربنا بيختارهم وبيصيبهم بالسرطان بيتعالجوا في المستشفى دي". وتابعت: "الحقيقة المستشفى دي عملت إنجاز كبير وفرقت جامد جداً في كل أطفالنا التعبانين وبالتالي أثرت على كل الأمهات والآباء، 57357 أنجزت ثقة وحب وعطاء للأطفال كبير جداً جداً لدرجة أن الناس بتقول إن كل التبرعات بتروح ليها". وأضافت:" في إشاعات كثير طلعت عليها، لكن كانت بتعالج وبتعالج صح وكويس ونسبة الشفاء عالية ونظام ونضافة، يا جماعة المستشفى هتقفل وعندنا مستشفى طنطا قفلت أرجوكم نساعد 57357 لأن كلنا محتاجينها وخسارة لينا إنها تقفل". وعلقت ليلى علوي، قائلة: "أنقذوا مستشفى ٥٧٣٥٧ تبرعاتكم حتساعد إنها تكمل". ولخصت إحدى المتابعات تعليقات الجمهور برسالة مباشرة إلى ليلى علوي قالت فيها:" انتى يا لولا تولى حملة أن كل الفنانين يتبرعوا بنص اجر مسلسلات رمضان كلها للأعمال الخيرية". وقالت متابعة أخرى: أيوة حضرتك وغيرك معاكم تتبرعوا، تقدري تقولي لي احنا اللي مرتبتنا بتخلص يوم ٦ في الشهر نتبرع منين؟؟؟ هل المستشفى بتخضع لرقابة علشان نعرف كل التبرعات دي بتروح فين ومين الذي له حق التصرف في أموال التبرعات؟