أحمد فهمي يكشف مفاجأة جديدة عن فيلم "بنات العم"

أخبار دقيقة -

دقيقة اخبار - كشف الفنان أحمد فهمي مفاجأة جديدة عن فيلم "بنات العم"، الذي قدّمه بمشاركة شيكو وهشام ماجد عام 2012، حيث أكد أن قصة الفيلم مستوحاة في الأساس من الفنان صلاح عبد الله، مضيفاً: "فكرة فيلم "بنات العم" كانت في الأصل بتاعة أستاذ صلاح عبد الله، بس كان قايلها أحلى، كانت الفكرة إن أحمد عز هيكون أول عشر دقايق في الفيلم موديل ولعّيب سلة، وأمه هتدعي عليه فهيتحول لمحمد هنيدي، وكانت فكرة حلوة جداً، وكان وائل عبد الله اللي هينتجه بس لما المشروع اتعطل رجعت لأستاذ صلاح وعرضت عليه فكرة إن يكون بنات يناموا ويصحوا ولاد، وعملنا الفيلم".

  وعن العلاقة التي كانت تجمعه بالفنان الراحل محمود الجندي، قال فهمي في إحدى الندوات الفنية: "أستاذ محمود الجندي كنت بحبه جداً وهو عنده خبرات في كل حاجة في الدنيا، فكنت ساعات لما يكون عندي أي سؤال له علاقة بالحياة أو الدين كنت بروحله، لأنه دايماً عنده حلول لأنه مر بحاجات كتير". وأضاف: "أستاذ محمود كان وشه حلو عليا على طول، لأنه افتتح أفلام "الحرب العالمية التالتة" و"سمير وشهير وبهير" و"كلب بلدي"، بمشاهد له، والتلاتة نجحوا جداً، وهو من أنضف الناس اللي قابلتها". كما تطرق أحمد فهمي الى الحديث عن سرقة الأفكار التي يتعرض لها العديد من المؤلفين، قائلاً: "مرة كان في فيلم أنا وكريم بنكتب قصته، ولقيته بيقولي فاكر الفيلم ده، قصته معمولة مسلسل بيتعرض دلوقتي، قولتله ممكن يكون توارد أفكار، بس طلع إن الشخص ده كان معانا في الورشة وسمع القصة مننا".